НЕГIЗIН ҚАЛАУШЫ ФИРМАЛАР

«ГАМА ИНДАСТРИ ТЕСИСЛЕРИ ИМАЛАТ ВЕ МОНТАЖ А.Ш.»

«ГАМА» компаниялар тобы өз қызметін 1959 жылы «ГАМА Иншаат Лимитед Ширкети» компаниясының басшылығымен мердігерлік жұмыстар саласындағы қызметтер көрсетуден бастады. 1970 жылы ол атауын «ГАМА Индастри Тесислери Ималат ве Монтаж А.Ш.» (ГАМА Индастри) (www.gama.com.tr)ауыстырып, қызметін әрі қарай жалғастырды. Сол кезден бастап, «ГАМА Индастри» компаниясы Түркиядағы жетекші компаниялардың біріне айналды. Уақыт өте «ГАМА Индастри» компаниясы құрылыс компанияларының халықаралық рейтингінде жоғары орынға ие болды. Бүгінгі күні «ГАМА Индастри» компаниясы ел ішінде әрі шетелде 300-ден астам ірі жобаларды жүзеге асырды. «ГАМА» компаниясы өнеркәсіптік нысандар құрылысы, соның ішінде жылу электр станциялары, мұнай өңдеу және мұнай-химия зауыттары, су электр станциялары, ауыз суды дайындау және өндірістік ағынды суларды тазарту станциялары, цемент зауыты және құбырлар құрылысы; механикалық/электр жабдықтары мен құралдарын қондыру, сондай-ақ биік ғимараттар, іскерлік және сауда кешендері, тұрғын үйлер, туристтік нысандар, әлеуметтік және мәдени нысандар, денсаулық сақтау орындары, бөгеттер, жер асты көлік жүйелері мен коммуникациялар құрылысы бойынша мамандандырылған компания болып табылады. 1970-ші жылдары «ГАМА Индастри» компаниясы өз қызметін Түркиядан тысқары елдерде жүзеге асыра бастады, және осы уақытқа дейін көптеген жобаларды Иран, Ирак, Иордания, Біріккен Араб Әмірліктері, Сауд Арабиясы, Малайзия, Ресей, Түрікменстан, Өзбекстан, Әзірбайжан, Ливия, Катар, Қазақстан, Болгария және Йеменде жүзеге асырды. «ГАМА Индастри» компаниясының кәсіпқойлығы ISO 9001 сапа стандарты, қоршаған ортаны қорғау бойынша ISO 14001 стандарты, гигиена және еңбек қауіпсіздігі бойынша OHSAS 18001 стандартының талаптарын, сондай-ақ дәнекерленген құрылымдарға арналған EN біліктілік аттестатының талаптарын, Америкалық инженер-механиктер қоғамының (ASME) белгісін пайдалану құқықтарының талаптарын орындау арқылы қамтамасыз етіледі. Жұмыс тәжірибесі және жоғары сапалы қызмет көрсету арқылы «ГАМА Индастри» компаниясы өнеркәсіптік нысандар құрылысы саласындағы халықаралық жетекші компаниялардың біріне айналды.

«ГАМА Индастри» компаниясы көптеген жобаларды қауіпсіз тәртіпте сәтті аяқтағандығы, еңбекті қорғау және қауіпсіздік техникасының талаптарын орындауға көңіл бөлгендігі, орындалған жұмыстар бойынша ең жоғары салық төлемдерін жыл сайын төлейтін компаниялар құрамына кіргендігі жөнінде бірнеше сертификаттардың иегері болып табылады. 


«ТЕКФЕН ИНШААТ ВЕ ТЕСИСАТ А.Ш.» 

«Текфен Иншаат ве Тесисат А.Ш.» (АҚ) (www.tekfeninsaat.com.tr) компаниясы өз қызметін 1956 жылы инженерлік кеңес беру саласында бастады. Елу жыл бойына бизнесті халықаралық тәжірибеге сүйене отырып басқаруы нәтижесінде, компанияның тұрақтылығы және дамуы қамтамасыз етілді. 

Қазіргі уақытта «Текфен Холдинг А.Ш.» компаниясының «Текфен Иншаат ве Тесисат А.Ш.» атты еншілес кәсіпорны Түркия, Орта Шығыс, Солтүстік Африка, Кавказ және Орталық Азия, Шығыс және Орталық Еуропа елдерінде өзінің табысты қызметін беделді халықаралық мердігерлік компаниясы ретінде жүзеге асыруда. Компания әр түрлі және кең ауқымды нысандар құрылысын, соның ішінде мұнай өңдеу және мұнай-химия ғимараттары, тұрғын аудандары мен ірі өндірістік нысандар, теңіз құбырлары мен электр станциялардың құрылысы, электр және байланыс желілерінің құрылысын жүзеге асырады. «Текфен» компаниясының еншілес кәсіпорындары мен стратегиялық әріптестерімен бірлескен қызметі әлемдік деңгейдегі жетекші тапсырыс берушілерден құралған.

«Текфен» компаниясы ISO 9001 сапа стандарты, қоршаған ортаны қорғау бойынша ISO 14001 стандарты және гигиена және еңбек қауіпсіздігі бойынша OHSAS 18001 стандартының талаптарын орындай отырып, мықты сенімінің арқасында, өз қызметін дамыту мақсатында қызметкерлерінің біліктілігін арттыруға және топтық жұмысты қолдауға, жоғары сапалы стандарттарды орындауға ұмтылады.